മര്ദ്ദമേഖലകള്
ഭൂമിയില് ചില അക്ഷാംശരേഖകളെ കേന്ദ്രീകരിച്ച് ഏതാണ്ട് ഒരേ മര്ദ്ദം അനുഭവപ്പെടുന്നു. ഇത്തരം പ്രദേശങ്ങളെ ആഗോളമര്ദ്ദമേഖലകള് എന്നു പറയുന്നു
മദ്ധ്യരേഖ ന്യൂനമര്ദ്ദമേഖല
ഉപോഷ്ണ ഉച്ചമര്ദ്ദമേഖലകള്
ഏകദേശം 300 വടക്കും 300 തെക്കും അക്ഷാംശങ്ങളിലായാണ് ഉപോഷ്ണ ഉച്ചമര്ദ്ദമേഖലകള് സ്ഥിതിചെയ്യുന്നത്. ഭൂമദ്ധ്യരേഖാപ്രദേശങ്ങളില് നിന്നും ചൂടുപിടിച്ച് ഉയര്ന്ന് പൊങ്ങുന്ന വായു കൊറിയോലിസ് പ്രഭാവത്തിന്റെ സ്വാധീനത്താല് വ്യതിചലിക്കപ്പെട്ട് ഈ അക്ഷാംശങ്ങളില് കേന്ദ്രീകരിക്കുന്നത് ഇവിടെ ഉച്ചമര്ദ്ദമേഖല രൂപപ്പെടുന്നതിന് കാരണമാകുന്നു
ഉപധ്രുവീയ ന്യൂനമര്ദ്ദമേഖലകള്
കുറഞ്ഞ താപം അനുഭവപ്പെടുന്ന മേഖലകളാണ് ഇവ(600 വടക്കും 600 തെക്കും). എന്നാല് ഈ മേഖലകളില് അനുഭവപ്പെടുന്ന ശക്തമായ കൊറിയോലിസ് പ്രഭാവത്തിന്റെ ഫലമായി ധ്രുവപ്രദേശത്ത് നിന്നും വീശുന്ന കാറ്റ് ചുഴറ്റിമാറ്റപ്പെടുന്നു. അതിനാല് ഈ മേഖല ഒരു ന്യൂനമര്ദ്ദപ്രദേശമായി നിലകൊള്ളുന്നു.
ധ്രുവീയ ഉച്ചമര്ദ്ദമേഖലകള്
താപം ഏറ്റവും കുറച്ച് ലഭിക്കുന്ന ഈ മേഖലയിലെ വായു തണുത്തതായിരിക്കും. തണുത്തവായു ഇവിടെ ശക്തമായി മര്ദ്ദംപ്രയോഗിക്കുകയും ചെയ്യുന്നു. ഒപ്പം ഉപധ്രുവീയമേഖലകളില് നിന്നും ചുഴറ്റിമാറ്റപ്പെടുന്ന വായു ഇവിടെ കേന്ദ്രീകരിക്കുകയും ചെയ്യുന്നു. അതിനാലാണ് ധ്രുവപ്രദേശങ്ങള് ഉച്ചമര്ദ്ദമേഖലകളായി തീര്ന്നിട്ടുളളത്.
താഴെക്കൊടുത്തിരിക്കുന്ന പട്ടിക മര്ദ്ദമേഖല രൂപപ്പെടുന്നതിനുള്ള പ്രധാനകാരണം താപീയ ഘടകമാണോ ഗതീയഘടകമാണോ എന്നുകണ്ടെത്തി പൂരിപ്പിക്കുക
| മര്ദ്ദമേഖല | രൂപീകരണകാരണം |
| മദ്ധ്യരേഖ ന്യൂനമര്ദ്ദമേഖല | |
| ഉപോഷ്ണ ഉച്ചമര്ദ്ദമേഖലകള് | |
| ഉപധ്രുവീയ ന്യൂനമര്ദ്ദമേഖലകള് | |
| ധ്രുവീയ ഉച്ചമര്ദ്ദമേഖലകള് |
No comments:
Post a Comment